Mabilis akong pumasok sa loob ng aking sasakyan at pinaandar ito. Ni-locate ng aking mga hacker kung nasaan ang aking fiance. Ginamit nila ang lahat ng cctv kung saan dumaan ang sasakyan ng Eternity group mula noong bumaba sila sa eroplano. Ginawa nila ang lahat at nagmadali dahil wala ng oras.
Nag-aalala ako sa aking mag-ina. Nag-aalala ako kay Olivia. Sa itsura niya kanina ay halatang takot na takot siya. Nagtiim-bagang ako. Please ‘wag Mong kunin sa akin ang aking fiance. ‘Wag pati ang natitirang pamilya ko ngayon.
Anong mangyayari na sa akin kung mawala man ang aking mag-ina? Ano pa ang silbi ng aking buhay kung hindi ko rin naman sila makakasama? Si Olivia at ang magiging anak ko ang lakas ko. Silang dalawa ang magiging dahilan kung bakit ako mabubuhay ng mahabang panahon na masaya
