Hindi ako nagsayang ng oras. Hinanda ko ang lahat ng gagamiting mga armas. Nakahanda na rin ang lahat ng aking mga tauhan, sniper, at mga sasakyan. Madilim ang aking mukha habang nilalagyan ko ng bala ang aking baril. Ako ang magpapatahimik kay Anderson kung ayaw niyang patahimikin ang buhay ko.
Sinuksok ko ang aking baril sa tagiliran at muling kumuha pa ng isang baril. Naghahanda rin si Angelica. Kanina pa siya tahimik at malalim ang iniisip ngunit hindi n ako nag-abala pang tanungin kung ano ‘yon. Pasalamat siya at pinalampas ko pa ang kaniyang paghihinala sa aking fiance.
Alam kong gustong gusto niya ring makaganti sa Eternity dahil sa ginawa ng mga ito sa kaniya at sa pamilya niya. Ngunit hindi ako papayag na papatayin niya si Anderson dahil ako mismo ang papatay sa kaniya. Sa aki
