“Kuya Jayden, bumalik ka na kasi rito sa America,” saad ni Alexa.
Nakaupo ako ngayon sa harap ng aking laptop habang nagsasalita siya. Nasa kwintas na hawak ko lamang ang aking tingin. Ang kwintas na binigay ko noon kay Olivia. Marahan ko itong hinahaplos habang inaalala ang araw na nagsasayaw pa kami sa ilalim ng papalubog na araw.
“Mas dodoble ang sigurudad dito. Hindi magdadalawang-isip ang asawa ko na pabantayan ka sa mga tauhan niya. Kahit na alam kong magaling ka na makipaglaban dahil sa mga pinasukan mong labanan at ibang ilegal na gawain, kailangan mo pa ring bantayan. Hindi mo alam kung kailan kikilos ang lider ng Eterni—”
“Ayos lang ako rito,” pagputol ko sa kan'ya. Nanatili ang aking titig sa kwintas. Unti-unting namumuo ang galit sa aking dibdib nang banggitin niya ang lid
