Pinatay ko ang usok ng aking sigarilyo sa ashtray saka kinuha ang alak. Ininom ko ito habang hindi inaalis ang tingin sa dance floor. Nandito ulit ako sa bar kung saan una kong naka-usap si Emma. Isang oras na yata akong nakaupo rito at umiinom ngunit hindi ko pa rin siya nakikita.
Napabaling ang aking mata nang mapansin ang isang babaeng papalapit sa akin. May malanding ngiti ito sa labi ngunit agad na nawala nang binigyan ko siya ng malamig na tingin. Napabuntong-hininga na lamang ako saka hinarap ang bartender. Agad niyang pinalitan ang aking baso na may laman na alak.
Muli ko itong ininom at napapikit nang maramdaman ang init nito sa lalamunan. Hindi kaya nakinig siya sa sinabi ko no’ng huli kaming nagkausap? Sinunod niya ba talaga ako?
Napailing na lamang ako sa naisip. Sinabi k
