“Patay tayo kay Boss!”
Rinig kong sigaw sa baba. Nagpatuloy naman ako sa aking paglalakad. Mabilis akong nagtago habang hawak ng dalawang kamay ko ang baril. Marami pa ring nagkalat na mga tauhan ni Anderson sa loob ng mansyon.
Hindi ako gumalaw mula sa aking kinatatayuan nang lumampas sa akin ang mga kalaban. Mabilis na bumaba ang mga ito. May hawak silang baril at mukhang inutusan ni Anderson na makipaglaban ang mga ito sa baba. Nababahala na ba siya kung nasaan ako? Natatakot na makalapit ako sa kaniya?
“Argh!” Napahawak ako sa aking panga nang matamaan ito ng kamao. Bumalik pala ang isang lalaking nilampasan ako kanina! P*ta.
Masyadong tahimik ang kaniyang paghakbang kaya hindi ko napakinggan na may tao na pala sa aking likuran. Huli ko na rin naramdaman ang presensya niya.
Ma
