Patuloy pa na umabante ang araw. Wala pa si Tita Belith nang gabing iyon na nagpapahintay sa amin bago kami kumain ng aming hapunan. Pagkatapos na maligo ay sa silid na ni Geron kami tumambay upang mag-impake siya ng mga dadalhing damit bukas ng umaga. Patungo na kami sa tree planting sa Aurora.
Mahina akong bumuntong-hininga habang binabago ang aking puwesto sa sofa na nasa loob ng kanyang silid. Tahimik ko siyang sinuri at pinagmasdang mabuti. Kapwa pa tumutulo ang buhok naming dalawa. Hindi maitago ang labis na saya sa kanyang mga mata. Maingat niyang inilalagay sa loob ng dadalhin niyang bag ang mga gamit at ilang piraso ng damit.
Kapag hindi siya makuntento sa ayos nito ay mabilis niyang tatanggalin ang mga ito sa loob ng kanyang bag. Nakasalampak siya paupo sa ibabaw ng kanyang kam
