"MARAMING salamat, Attorney."
Ngumiti siya sa akin. "No worries, Miss Feltes."
Nang mag-alis na siya ng atensiyon sa akin ay bumaling ito kay Khai na nasa tabi ko. Nakipagkamay sila sa isa't isa. Nagpasalamat din si Khai sa kanya.
Ngayong araw ay opisyal na akong nagsampa ng kaso kay Mr. Lim. Nagsama kami ni Khai ng isang attorney na siyang kakilala niya rin. Noong una pa nga ay gusto kong tumanggi sa pagkuha ng isang private attorney dahil alam kong malaking gastos lang 'yon. Kung sakali, sa PAO ako magre-request ng attorney kapag kinailangan na sa kaso namin. But Khai insisted. Aniya, ito na lang ang mga paraan para matulungan niya ako. Kaya sa huli ay napapayag niya rin ako.
Ayon sa attorney namin, malakas ang laban namin sa kaso lalo na't may ebidensiya kaming hawak. Nakuhanan kasi
