Napahinto si Christine at humikab muna bago lingunin ang driver.
“Sir, its okay, just keep the change,” saad ni Christine.
Binigyan pa ni Christine ng malambing na ngiti ang driver bago tuluyang tinalikuran ito at pumasok sa loob ng gallery.
Nakatulala ang driver kay Christine.
“Napakabuti mo, iha,” sambit ng driver.
Isinara niya ang kaniyang kamay at madiin itong hinigpitan.
Maluha-luha ito habang nakatingin kay Christine na ngayon ay nasa loob ng gallery.
“Para sa iyo, maliit na halaga lang ito, pero para sa akin malaking tulong na lalo’t nasa ospital ang kapatid ko,” wika pa ng driver.
Napasinghap ang driver at napangiti.
“Maraming salamat,” aniya.
Tumalikod na ito at bumalik sa kaniyang taxi.
Napatingin naman si Christine sa labas at nakitang kakaalis lang ng sinakyan niyang
