Muling umugong ang nalalapit na kasalan nila Eric at Elizabeth sa social media at mga balita. Dalawang linggo na lang kasi at magaganap na ang pinaka-engrandeng kasalan sa kasaysayan ng bansa. At kahit hindi naman sila ganoon kasikat kagaya ng mga artista ay napakarami pa ring ordinaryong mga mamamayan ang naghihintay dito. Lalo na ang mga gustong magka-ideya tungkol sa kasal, at mga nagbabalak magpakasal. Ilang interviews din ang pinuntahan nila Eric at Elizabeth na magkasama at sa bawat interview ay talagang makikita ang chemistry ng dalawa at hindi iyon gustong makita ni Marie. Dahil kahit alam niya na nagkukunwari lang ang binata ay nasasaktan siya kapag nakikita niya itong kasama ni Elizabeth.
Araw ng linggo at napagpasyahan ni Marie na magpahinga muna. Masyado ng maraming ganap sa
