“Kumusta ang naging usapan ninyo ni Marie Montez?”
Napatingin si Elizabeth kay Mrs. Perez nang marinig ang tanong. Nagulat siya dahil hindi naman niya sinabi sa ginang na nakipagkita siya kay Marie. Napalunok siya ng laway hindi dahil sa hindi niya ma-ikwento ang nangyari. Nakadama siya ng takot sa ginang dahil tila alam nito ang lahat ng ikinikilos niya. At muli niyang napagtanto na hindi magandang kalabanin ang ginang sa kahit anong paraan. Muling niyang naramdaman na hindi basta-basta ang babaeng nasa harapan niya.
“Ang totoo, hindi naging maayos ang pag-uusap namin,” mahinang sagot ni Elizabeth na may gigil sa tono ng boses. “Ipinahiya niya ako sa mga tao sa coffee shop. At pinagbantaan niya akong pipigilan ang kasal. Nakakainis siya. Kumukulo ang dugo ko kapag naaalala ko ang gina
