Abala si Marie sa pagtatrabaho sa bagong proyektong hawak nang makatanggap siya ng tawag mula kay Joan. Hindi niya sinagot ang unang tawag nito, ngunit sadyang makulit ang kaibigan dahil hindi ito tumigil hanggang sa sagutin ni Marie ang tawag. Pinapapunta siya ni Joan sa bahay nito para sa hapunan. Nagtataka man ay wala ng oras si Marie para tanungin pa ang kaibigan kung para saan ang hapunan. Kaya naman pinaunlakan na lang nito ang paanyaya ng kaibigan.
Nakalimot na si Marie sa ilang mga alalahanin. Salamat sa napakaraming trabaho na natanggap niya. Sadyang ginawa niyang abala ang sarili para maiwasan ang labis na pag-iisip sa mga problema. Nagpalit din siya ng numero para hindi na siya ma-text o matawagan pa ng nanakot sa kanya. Naging epektibo naman iyon dahil magmula noon ay wala na
