Ang dating usap-usapan lang sa mga pahayagan ay naging maugong na din sa telebisyon at radyo. Nagsimula na ring lumalabas ang mga conspiracy theory tungkol sa pagbagsak ng Flight 609 at may mga bulung-bulungan ding may kinalaman dito ang Perez Group of Companies. Kung saan nanggaling ang bulung-bulungang iyon, ay walang nakakaalam. Naging paksa sa mga talk show sa telebisyon at radyo ang isyu at nagsimula ng maapektuhan ang reputasyon ng Perez Group of Companies. At hindi masaya si Mrs. Perez sa mga nangyayari.
Naging usap-usapan sa mismong loob ng kompanya ang isyu ng bumagsak na eroplano. Panay ang tanong ng mga shareholders at board of directors kay Mrs. Perez. Maging si Eric ay napagbintangan na nila na may kinalaman sa pagbagsak ng eroplano. Ang mga investors din ay nagsimula ng mag
