Maagang nagising sila Marie. Kahit masakit pa ang mga ulo ng iba dahil sa dami ng nainom kagabi ay pinilit nilang bumangon para matapos na ang mga kailangan nilang gawin at makauwi na. Matapos mag-agahan ay naligo muna ang lahat sa dagat. Sinamantala na nila na hindi pa ganoon kainit ang araw. At matapos ang paliligo sa dagat ay ipinakita ni Marie sa kanila ang napakalinaw na ilog sa loob ng kakahuyan. At kagaya ni Marie, namangha ng husto ang mga kasama niya nang makita ang lugar. Doon na sila nagtagal at pagsikat ng husto ng araw ay sinimulan na nila ang trabaho.
Mataas na ang araw pero hindi pa nasisilayan ni Marie at Joan ang mga kasintahan. Kaya napagpasyahan nilang puntahan ang tent ng mga ito para ayain na kumain man lang. Pero wala silang dinatnan doon. Tinanong ni Marie ang mga t
