Halos tuktukan ni Marie si Joan habang inaayusan siya nito. Hindi kasi ito tumitigil sa katatawa dahil sa suot niyang camouflage na bikini. Ang totoo, siya ang naka-isip ng ganitong tema. Pero hindi niya akalaing siya pala ang magsusuot nito. Wala naman siyang magawa dahil iyon na ang napagdesisyunan ng nakararami at isa pa, kinunsensya ng mga kasama na masasayang lang ang biniyahe nila kung hindi siya makikisama. Isa pa, para rin ito sa ikatatagumpay ng proyekto niya. Kaya kahit may pagtututol ay pumayag na rin siya. Bagay naman sa kanya ang suot at kung titignan ng maigi ay talagang mukha siyang isang modelo. Hindi nga lang siya ganoon kasing tangkad. At hindi talaga siya kumportable sa suot.
Tumayo si Marie sa harap ng salamin matapos malagyan ng make-up ng kaibigan. Kinilatis niya ang
