Ilang oras bago ang barilan.
Balisa si Jigs habang inaasikaso ang mga kailangan ng mga magulang ni Marie. Marami kasing kulang sa bahay niya doon at kailangan niyang makumpleto ang mga kailangan doon para hindi na lumabas ang mag-asawa. Pero hindi siya mapakali dahil sa natanggap niyang text mula kay Eric. Ipinadala nito sa kanya ang address na ibinigay ni Mrs. Perez, pero may nakalakip na bilin. Na huwag na huwag siyang susunod doon o magpapadala ng pulis hangga’t hindi tumatawag ang kaibigan. Pero kung bakit ay walang nakalagay. Masama ang kutob ni Jigs pero alam din niyang may dahilan kung bakit iyon ibinilin ni Eric. Sinubukang tawagan ni Jigs si Eric pero sa hindi malamang kadahilanan ay hindi niya ito matawagan. Sunod niyang tinawagan si Elizabeth pero hindi rin matawagan ang cellph
