Hindi umalis sa tabi nila Eric at Marie ang mga kaibigan nila. Magkatabi lang ang mga kwarto nila kaya madali na nakakapagpalitan ng bantay ang dalawa. Pero ang madalas na bantay ni Marie ay si Joan. Kailangan din kasing bantayan ng mga magulang ni Marie sila Marco at Mark na nagpapahinga at nagpapalakas na sa kanilang tahanan. Si Princess at si Jigs naman ang bantay ni Eric. Maganda naman ang resulta ng mga tests ginagawa sa kanila. Pero hindi pa rin masiguro ng mga doktor kung kailan sila magigising.
“So, paano? Paano kang nakaligtas sa pagsabog ng eroplano?” biglang tanong Jigs kay Princess na abala sa paghihiwa ng mansanas.
“Hindi lang ako ang nakaligtas. Maging ang mga tauhan ko. Buhay silang lahat.”
“Eh, paano nga?” usisa pa ni Jigs na mas tumindi ang interes sa ginawa ni Princes
