Sinipat ni Eric ang bawat sulok ng lugar. Nasa labas karamihan ng mga tauhan ni Mrs. Perez at tatlo lang ang nakikita niya na bodyguards nito sa loob at pang-apat si Gerone. Nakatanggap siya ng mensahe mula kay Mrs. Perez na sa oras na magsumbong o magsama siya ng mga pulis ay agad nitong tutuluyang ang mga bihag. Kaya kahit gusto ni Eric na magsumbong at humingi ng tulong ay hindi niya nagawa. Nag-isip si Eric kung paano sila makakatakas. Pero isa lang ang labasan ng lugar kaya siguradong mahuhuli rin sila kahit makalagpas sila sa mga nasa loob. Isa pa, tatlo pa sa kanila ang walang malay at si Elizabeth naman ay hinang-hina pa. Wala ng ibang plano si Eric at wala na siyang maisip na paraan para tumakas o maitakas man lang sila Marie. Naiinis siya sa sarili dahil hindi man lang siya nakap
