Muling sinadya ni Elizabeth si Mrs. Perez. Hindi siya nagpaabiso na darating kaya naman hindi rin siya agad pinapasok sa opisina nito. Nais niyang makausap ang ginang tungkol sa mga sinabi ni Eric sa kanya noong nakaraan. Magpapasalamat din siya dito dahil matutupad na ang pinapangarap niyang kasal. Pero may bumabagabag sa kanya. Dahil kagaya ng sinabi ni Eric ay maaaring mawala sa kanya ang lahat at hindi iyon matanggap ni Elizabeth. Pinag-isipan niya ng ilang araw ang tungkol doon at hindi niya makita ang sarili na isa lang ordinaryong tao sa lipunan. Oo, mahal niya si Eric pero naisip niya kung paano sila mabubuhay kung mawawala kay Eric ang kompanya.
Nakangiting sinalubong ni Mrs. Perez ang magandang modelo. Pero hindi ngumiti si Elizabeth sa ginang. Seryoso siyang pumasok ng opisin
