Dinala ni Elizabeth si Eric sa isang tagong restaurant. Pamilyar si Eric sa lugar. Parang nakapunta na siya doon dati kasama ang kinilalang ina. Pero hindi niya maalala kung kailan at kung bakit sila pumunta doon. Isang lalaki ang lumapit sa kanila. Matangkad, payat ngunit maayos ang pananamit at kagalang-galang. Kinuha nito ang order nila at pagkatapos ay umalis din kaagad.
Magmula ng dumating sila sa lugar ay hindi pa nagsasalita si Elizabeth. Iniiwasan din nito ang mga tingin ng binata. Nahalata iyon ni Eric at nanibago siya sa ikinikilos ng babae. Kilala niya kasi si Elizabeth na may nag-uumapaw na tiwala sa sarili at hindi basta lang tumatahimik. Si Elizabeth ang tipo ng babae na palaging may komento sa sasabihin sa kahit ano.
“So, what do you want to tell me?” basag ni Eric sa kata
