Katatapos lang ng isang mahabang meeting na dinaluhan ni Eric kasama ang mga kasosyo nila sa negosyo, mga investors at ilan sa mga matataas na tao sa kumpanya. Nakadama siya ng pagod at medyo nakakaramdam na ng antok pero masaya rin siya dahil kahit papaano ay nagagampanan niya ang tungkulin bilang CEO at mainit siyang tinanggap ng mga taong dating nagtatrabaho para sa ama niya. Ayaw naman talaga ni Eric ng trabahong ito noong una, ngunit para mapangalagaan ang pinaghirapan ng kanyang ama ay pinilit niya iton gustuhin.
Umupo siya sa isang itim na sofa sa gitna ng opisina niya. Nag-inat ng katawan at pagkatapos ay sumandal sa napakalambot na sandalan ng inuupuan. Papatulog na sana siya sa gano'ng posisyon nang biglang natawag ang pansin niya ng pagbukas ng pinto ng kanyang opisina. Humahan
