GWEN’S POV
Habang nagkukwentuhan kaming tatlo nina Ate Mara at Ate Tina tungkol kay Baby Marion ay tumabi sa akin si Professor. Nakasuot na ito ng kulay gray na pajama na pinaresan nito ng puting v neck t-shirt, medyo basa pa rin ang kanyang buhok at nasasamyo ko mula sa kanyang katawan ang amoy menthol na sabon na kanyang ginamit.
“Jas, tingnan mo si Baby Marion, oh,” excited na sabi ko at itinapat ko sa kanya ang cellphone kung saan kitang-kita sa screen ang mukha ng napaka-cute na baby nina Ate Mara at Kuya Onyx.
“Ang cute niya, no? Tingnan mo. Ngumiti siya,” turo ko pa nang makitang bigla ngumiti ang bata kahit na tulog pa ito. Nakatitig lang sa akin si Professor na parang may gustong sabihin ngunit hindi niya masabi. Naputol lamang ang kanyang pagtitig sa akin nang mapansin ng ak
