Matapos kumain ay lumabas muna ang aking mga magulang kasama nila si Kelsey. Ipapasyal daw muna nila ang bata para malibang-libang din. Naiwan kaming dalawa ni Noah dito sa silid.
Sinabihan nila ako na magpahinga daw muna baka raw kasi ay mabigla ang aking katawan at bigla akong magkasakit. Mabuti na daw iyong nag-iingat.
Habang abala si Noah sa paglilinis ng aming pinagkainan ay mataman lang akong nakatingin sa kan'ya.
Sa aking panaginip o sa huling pagkakatanda ng utak ko sa kan'ya ay hindi ganyan kalaki ang katawan ni Noah. Lumaki na ang katawan niya. Naggi-gym kaya siya? Napunta ang aking mata sa kan'yang dibdib patungo sa kan'yang braso. Tila puputok na ang kan'yang braso sanhi ng kan'yang masels.
Naalala ko noong binuhat niya ako dati. Tiyak ko ngayon na kahit isang kamay lang si
