Napabalikwas ako ng bangon sa narinig na ingay mula sa labas ng aming bahay. Tila may nagwawalang babae sa labas.
"Ilabas niyo 'yang malandi ninyong amo!" sigaw ng isang babae.
"Hayop siya! Hindi niya parin matanggap na sa akin na si Harvey!" patuloy na sigaw parin nito.
Sakto naman na kumatok sa aking silid si manang Lourdes at nagsabi na may naghahanap sa akin na babae at nagwawala.
"Kanina pa nagwawala iyan at pinapalabas ka, gusto ka raw makausap!" wika ni manang Lourdes sa akin na medyo kinakabahan.
Napakurap-kurap pa ako at wala pa sa huwisyo.
"Labasin mo na kaya, iha. Mukhang hindi siya titigil hangga't hindi ka lumalabas," Malumanay na wika ni manang Lourdes sa akin.
"Opo, susunod na," wika ko at agad na tumayo sa aking kama dumeretso sa aking banyo at nagsepilyo bago bumab
