Huminga ako nang malalim bago pindutin ang doorbell sa harapan ng bahay nina Coner.
Ibinigay ni Ms. Santiago ang address ng bahay ng mag-asawang Barbara. Ang hindi ko lang alam ay kung nandito ba sila. Masyadong malaki ang tahanan na ito, kaya ang ipinagtataka ko, kung bakit hindi umuuwi si Coner dito.
Hindi ko pa rin magawang paniwalain ang sarili ko sa mga sinabi ni Ms. Santiago kaya gusto kong ako mismo ang makakaalam ng bagay na iyon. Gusto kong ako talaga ang makasaksi kung totoo ba ang lahat ng 'yon o pawang kasinungalingan lang.
Ilang minuto pa akong naghintay bago kusang bumukas ang isang malaking gate at doon ay inihakbang ko ang aking mga paa papasok sa loob.
Halos mapanganga ako nang masilayan ko kung gaano kalaki ang lugar na ito. Mukhang napakayaman at bigatin nga tala
