NESTLE
Halos wala na kaming pahinga sa kakaabang sa mga taong pumalaot upang hanapin si Duke. Inabot ng umaga, tanghali at ngayon ay hapon na pero wala pa rin. Halos hindi ako makakain at panay ang pag-iyak ko sa kaalaman sa nangyari kay Duke. Parang gusto ko nang lumusong din ng dagat at ako mismo ang maghahanap sa kaniya. Pero alam ko na hindi ko kaya iyon, lalo pa't, hindi ako marunong lumangoy.
'Wag Duke! Isa!' Banta ko sa kaniya nang ihuhulog sana niya ako sa pool upang maligo raw kami. Humalakhak siya at binaba ako mula sa pagkakabuhat niya. Pinalo ko nga dahil nangtitrip na naman.
'Kumapit ka na lang sa akin, mine. Hindi ko naman hahayaan na malunod ka.' sabi niya.
'Ayoko pa rin. Baka hindi ako makahinga.' tugon ko na may halong kaba. Gusto kong subukan man lang magswimming, ang
