TATLONG araw pang nanatili sa ospital si Gatdula bago ito pinayagan ng doktor na makauwi at sa bahay na lamang mag pahinga ng tuluyan. Bago umalis sa ospital ay kinausap ni Gatdula ang asawa kung maaari ay dumaan na muna sila sa silid ni Farrah. Nalaman kasi nito mula kay Brix kung gaano kalala ang natamo ng babae dahil sa aksidente. Masama man ang kaniyang loob dito dahil sa ginawa sa kaniya, nakaramdam pa rin ng awa ang lalake para sa kalagayan at sinapit nito.
"Are you sure okay lang, love?" tanong muli ni Gatdula kay Maisha habang nakaupo ito sa gilid ng ospital bed at inililigpit ang kaniyang mga gamit, samantalang kalalabas lamang niya mula sa banyo at isinuot ang puting t-shirt.
Mabilis na nag angat ng mukha si Maisha at tinapunan ng tingin ang asawa. "Yeah! Ang totoo niyan, gusto
