NAKAUPO sa gilid ng kama si Gatdula nang pumasok sa kuwarto nila si Maisha. Malalim ang iniisip nito at hindi manlang narinig ang pagtawag sa kaniya ng asawa. Kung hindi pa hinawakan ni Maisha ang mukha ng asawa ay hindi nito mamamalayan na nakarating na siya galing sa bayan.
"Are you okay, love?" nagtatakang tanong ni Maisha.
"Y-you're here." ani Gatdula na nauutal pa pagkuwa'y agad na ginawaran ng halik sa pisngi ang asawa. "Kanina ka pa ba?"
"Kakarating lang namin nina Tanya." sagot nito na hindi pa rin mawala-wala ang pagkakakunot ng noo. "Okay ka lang?" usisang tanong nitong muli. Agad ding naglakad palapit sa closet nila si Maisha para kumuha ng pamalit na damit.
Muling humugot ng malalim na buntong-hininga si Gatdula saka iyon pinakawalan sa ere. Hindi naman iyon nakaligtas sa
