MATAPOS niyang malaman ang lugar ng asawa mula sa kapatid ay wala na siyang sinayang pa na oras. Siguro naman sa nakalipas na limang buwan ay nabigyan na rin niya ito ng sapat na panahon para magnilay-nilay. Sana lang ay hindi pa huli ang lahat para mag-umpisa silang muli. Gagawin na niya ang dapat ay noon pa niya ginawa.
Sinabi ni Jomar ang eksaktong tirahan ng kaniyang asawa ngunit hindi siya roon dumeretso dahil ang sabi sa kaniya ni Mia na kapag weekends ay may lugar na parating pinupuntahan si Aileen, ang Bethesda Children's Home.
Napamalita kasi na nasunog ang orphanage na iyon noong Enero 2016 at ngayon nga ay unti-unti ng nakakabangon dahil na rin sa tulong ng mga taong mabubusilak ang mga puso at isa na roon si Aileen. Bukod kasi sa tulong pinansyal na ibinibigay ni Aileen mism
