KINABUKASAN ay buong akala ni Aileen ay lumisan na ng tuluyan ang asawa pero bumalik ito't nagawa pang makihalobilo sa mga Madre at mga bata sa ampunan na akala mo kilalang-kilala siya. Naging feeling close kasi ito agad sa lahat matapos niyang ianunsyo sa lahat na magbibigay siya ng tulong sa ampunan para sa mga pangangailangan ng mga bata sa araw-araw. Naintriga pa sila lalo matapos din nitong magpakilala bilang asawa niya.
Hindi rin siya makapaniwala na hindi na ito katulad noon na makarinig lang ng kaunting ingay ay naaalibadbaran na ito kaagad hindi tulad ngayon na nagagawa pa nitong makipagtawanan at makipag-habulan sa mga bata. Nakakapagtiyaga na rin ito sa pagpapakain sa mga bata na halos lahat 'ata ay nagpapasubo rito ng pagkain. Ni wala din siyang narinig na reklamo dito matapos
