Kinabukasan ay maagang gumising si Dinnah at naghanda, bitbit ang maliit na kahon ng mga pasalubong na binili niya kagabi para sa kanyang mga magulang.
Maaga siyang bumiyahe patungong Tagaytay. Sa buong biyahe, panay ang ngiti niya sa mga iniisip – na makikita na niya ang kanyang mga magulang, at malapit na niyang makamit ang tunay na pangarap niya. Alam niyang unti-unti lang niyang makakalimutan si Mr. Halden, at sa paglipas ng araw ay tiyak na mabubura na ito ng tuluyan sa kanyang puso't isipan, para mabalik na sa normal ang kanyang buhay.
Matapos ang mahigit isang oras na biyahe, huminto na ang bus sa tapat ng maliit ngunit maaliwalas na bahay ng kanyang mga magulang sa gitna ng mga tanawing buhangin at berdeng kabundukan ng Tagaytay. Agad siyang sinalubong ng yakap ng kanyang ina na
