BUMABA ng silid si Celine nang katukin siya ng ina at sabihing gusto siyang makausap ng asawa niya.
"Alam kong malimit ang pag-aaway niyo ni Sed, anak. Alam kong napakahirap sa 'yo na tanggapin ang nakita mo. Pero huwag mong isara ang isip at puso mo, Celine. Para kay Philip," malumanay na sabi ng ina niya at tinapik siya sa balikat.
Malungkot siyang tumango at pinilit na ngumiti. Naroon daw ito sa sala at naghihintay sa kanya. Sumulyap siya sa salamin at inayos ang sarili bago tinungo ang kinaroroonan ng asawa niya. Naroon pa rin ang sugat sa dibdib niya. Alam niyang mahihirapan siyang makalimot dahil nakita niya mismo ng dalawang mata niya ang nangyari. Umangat ang tingin ni Sed ng maramdaman ang mga yabag niya. Nakaupo ito sa couch.
"Celine," sambit nito.
Tinapunan niya ng tingin si
