“SAAN mo ba gusto kumain?” Inakbayan ko siya pagpasok namin sa loob ng mall.
Nanggagalaiti na ako sa mga lalaking sinusundan siya ng tingin na ubod ng lagkit. Pakakainin ko sila ng kamao ko, e!
“Sa fast food na lang,” tipid niyang sagot.
“Saang fast food?” Nilingon ko siya habang naglalakad kami. Halata pa rin ang kaba niya. Madalas niya pa ring kagatin ang ilalim ng labi niya. Ngayon ko lang din na-realize na ang liit pala talaga ni Bianca. Naka-heels na siya pero hanggang balikat ko pa rin siya.
“Sa Jollibee na lang. Naamoy ko na mula rito ang masarap nilang fried chicken at gravy. Sh*t! Tara na!” Hinawakan niya ang kamay ko at saka ako hinila.
Bigla yatang nawala ang hiya niya? Sabagay. Makapal naman talaga ng mukha ng babaeng ito, e! Isa nga siguro iyon sa nagustuhan ko sa kaniya.
