NANANATILI kami sa isang malaking kwarto habang minamasahe ang mga likod namin. Nakahilera kaming tatlo sa tigi-tigisang kama at nagre-relax habang nakadapa.
Masarap talagang magpamasahe rito sa shop ni Tita Claire. Bukod sa malinis na ay maayos din silang magmasahe. Hindi mabibigat ang kamay nila. Katamtaman lang kaya masarap sa pakiramdam.
Pinagmasdan ko sila Andrea at Pauline ng maigi. Parehas silang abala sa mga cellphone nila at para bang may ka-chat. Huhulaan ko ito. Si Pauline ang ka-chat niya ay si Kyle habang si Andrea ang ka-chat niya ay si Carl.
Sana all!
Dahil abala sila roon at mukhang ayaw magpaistorbo ng mga mukha nila ay nag-online na lang ako. Nanood ako ng mga D.I.Y. Crafts dahil nakakahiligan ko ang gumawa ng mga magagandang D.I.Y. Minsan palpak ang nagagawa ko pero
