NANG makapagpalusot ako kay Kevin na pupuntahan ko lang sila Andrea ay dumiretsyo na ako sa music hall. Nauna na kasi si Fiona roon ng senyasan niya ako kanina.
Ano na naman kaya ang gagawin niya?
Pagdating ko sa music hall ay inabutan ko siyang nakaupo sa isang silya at naka-krus ang mga braso. Masama pa rin ang tingin niya sa akin.
Kailan pa ba may nagbago?
"Nagpaganda ka pa talaga e, 'no?" Tumayo siya at dahan-dahang humakbang palapit sa akin.
Kinakabahan man ako ay nilalakasan ko ang loob ko. Hindi ko na hahayaan na apihin niya ako. Ayoko na ulit makitang umiiyak si Kevin nang dahil sa galit sa kaniya. Kaya lalaban na ako. Matagal nang tapos ang kanilang relasyon at ngayon ay kailangan niya ng gumising.
"Ano naman ngayon sa 'yo? Kayong mayayaman lang ba ang may karapatan para mag
