GALIT na galit ang ama ni Fiona nang malaman niya kung ano ang ginawa ng kaniyang mag-ina kay Kevin at Bianca kaya mula sa office ng kaniyang asawa ay sinugod niya ito at kinompronta.
“Hon, ano ba’ng ginawa mo? Hindi ba sinabi ko na sa ‘yong huwag mong kunsintihin ang anak mo kung alam mong mali na ang ginagawa niya? Ang anak mo rin ang masasaktan! Alam mo ba ‘yon?”
“Ano’ng ang anak ko ang masasaktan? Nag-iisip ka ba? Iyong Bianca ang ngalan ang masasaktan dito at hindi ang anak ko!” sigaw rin pabalik sa kaniya ng kaniyang asawa.
“Parehas lang sila! Idinamay mo pa si Bianca!”
“Wala akong pakialam sa paborito mong estudyante! Alam mo, nagseselos na nga ang anak mo dahil palagi mong ipinagtatanggol si Bianca! Mabuti pa raw sa Bianca na iyan, nagpapakaama ka! Sa mismong anak mo, hind
