KASALUKUYAN akong naglalakad papunta ng parking lot. Nandoon ang bisikleta ko at kailangan ko ng puntahan ang kapatid kong sinisikmura. Masakit na naman daw ang tiyan niya. Tumawag sa akin at iyon ang sabi niya.
Isang napakaingay na tawanan ng barkada ang bumulabog sa tahimik kong paglalakad. Sa hindi malamang dahilan, sinundan ko ang mga boses ng mga taong iyon hanggang sa tila napako ako sa aking kinatatayuan ng dahil sa aking nasilayan.
Isang napakakalat na lugar sa parking lot. Napapalibutan ng sari-saring klase ng spray paint na bagong lagay lamang. Ang iba ay nakatapon na lamang ang pinaglagyan nito. Kung maganda sana ay okay pa. Ang kaso ay binaboy ang itsura nito. Nakakaasiwang pagmasdan. May hawak na sigarilyo si Jack at maging si Carl sa kanilang mga kamay. Si Kyle naman ay may
