"Saan tayo mamaya?" Tanong ko sa mga kasama ko matapos kaming kumain.
Alas onse na nang matapos kaming tumugtog kagabi at anong oras na rin kaming nakauwi dahil pinatapos muna namin ang event at nakakahiya naman kay Mayor kung hindi. Ngayon ay nandito kami sa living room, bangag ang iba dahil nagawa pa nilang mag-inuman kagabi gayong pagod na nga at puyat. Alak is life, eh.
"Tara sa falls mamaya," Harris suggested, "Harold, malinis pa ba iyong falls dito?" Tanong pa nito sa kanyang kapatid.
"Oo, Kuya. Mas okay na nga ngayon, e. Balak niyong pumunta ro'n?"
"Gusto niyo ba?" Tanong nito sa amin.
Tumango ako at napatingin kay Shania na nasa tabi ko lang. Bagot at walang kaemo-emosyon ang mukhang nakatingin sa amin, as always. Kahit nga sinasabi niyang masaya siya ay ganoon pa rin.
