"Miss Abegail Kabiling, nice to meet you again, iha. Kamusta ka na? Ang mga ate mo, kamusta na rin?" mga tanong sa akin ng isang tao na hindi ko inaasahan na makikita ko ngayong araw.
Si Attorney Crispin Neric, ang family lawyer namin na nagsilbi rin sa magulang ko ng mahabang panahon. Ang isa sa mga taong lubos na pinagkakatiwalaan nina Mama at Papa.
Hindi ako nagtinda ngayong araw para ipacheck talaga sa munisipyo kung totoong mga nakarehistro ang mga hawak kong mga dokumento na mga nakapangalan sa mga taong nagmamay-ari nito at para na rin makakasiguro na walang mga problema.
Tulad ng plano ko nitong mga nakalipas na araw ay balak ko na talagang tumutok na pasukin ang iba't-ibang mga negosyo. At sinimulan ko ng bumili ng iba pang mga pwesto sa palengke para magkaroon na ako ng paglal
