"Norman, gusto raw tayong makausap ni Rica mamaya. At puwedeng huwag kang maglalabas ng itak mo?" Pangunguna ng ginang dahil nahahalata na agad nito ang nakasalubong na kilay ng asawa.
"At bakit hindi? Hindi ko matatanggap ang ginawa niya sa anak natin kahit sabihin pang siya pa ang tumulong sa akin." Galit nitong sabi na humigop pa ng kaniyang kape.
Alas-sais pa lang ng umaga at silang dalawa pa lang ang gising. Kauuwi nga lang ni Norman galing sa kabilang bayan habang si Aling Cora ay nakapag-ayos na ng lahat ng dapat ayusin sa bahay. Ang dalawang babae naman ay tulog pa dahil nagising sila ng madaling araw at nagpatimpla ng gatas na hinaluan ng cheese si Nita. Si Honey ang nag-aalaga rito na kinatutuwa naman ng banyaga. Inaanak niya raw kasi ang mga baby na nasa sinapupunan pa lang
