Pagkatapos nilang kumain ay napagpasyahan nilang mag-inuman sa sala. Si Nita ay nag-ayos na at matutulog na raw ito. Kailangan ito ng buntis kaya hinayaan nila ang dalaga.
Ang tatlong batang babae ang magiging kainuman ni Norman habang ang asawa ay titingin lang sa kanila. Ito ang magiging bantay nila kapag nalasing na sila. Siyempre hindi kasali si Nita dahil bawal ito sa kaniya.
"Nasubukan niyo na ba ito?" Tanong ni Norman.
"Ako po, Tatay." Sagot agad ni Rosa na tatay ang tawag sa lalaki.
"I drink but not like this." Si Honey na tiningnan pa ang paghahalo ng lalaki. Pomelo at gin lang kasi ang hinahalo nito. Kung ang lalaki lang kasi, ayos na ang gin. Pero kasama niya kasi ay mga babae kaya nilagyan niya ng pomelo. Nakahanda na rin ang ice kaya puwede nang tumagay.
"Hindi po ta
