"Iyang nasa itaas mo, kunin mo."
"Sa baba mo pa."
"Bandang kaliwa pa! Ayan!"
"Hindi 'yan. Rica naman, e."
Mga sigaw ni Nita mula sa baba at nag-uutos sa kay Rica na nasa itaas ng puno ang siyang maririnig. Tumigil ang lahat para bantayan lang ang dalawang ito.
"Iyon pang nasa kanan mo. Mukhang masarap." Malakas na sigaw ni Nita mula sa ilalim ng puno. Tuwang-tuwa pa itong nakatingala sa babae na halos kumunyapit na sa sanga ng puno.
Habang ang ginang ay halos tawagin na ang lahat ng mga santo para lang sa kaligtasan ng kaniyang apo. Mataas ang puno ng mangga sa kanilang bakuran kaya natatakot siya para sa buhay ng apo. Pero hindi lang naman siya ang natatakot kundi pati na din ang iba pa nilang trabahador. Mga nakaabang nga ang mga ito kung sakaling malaglag ang apo ng amo.
"Kulan
