"Naihanda mo na ba ang mga gamit mo, 'Nak?" Tanong ni Corazon sa anak na nag-aayos ng mga gamit na dadalhin pabalik sa Manila. Ngayong araw na ang kanilang alis at hinihintay niya na lang si Rica na sunduin siya.
Sinulit nila ang natitira nilang araw sa piling ng mga magulang. Namasyal sila sa kung saan-saan at nanguha ng mga pananim sa hacienda. Masaya sila sa lahat ng ito lalo na si Honey na tuwang-tuwa sa pag-ani ng mga gulay tulad ng talong, sitaw, okra, kalabasa at iba pa. Uuwi sila ng ilang mga gulay kaya hinanda nila ito.
Handa na ang lahat at kahit si Honey ay masinsinang kausap si Rosa sa labas. Mukhang seryoso ang usapan nila na taliwas sa palaging kulitan nila na nakikita ng ibang tao.
"Anak, ano na?" Gising sa kaniyang ina dahil napatulala na siya. Napangiti siya ng alang
