Nang sumunod na araw, nagkita nga sila at naisagawa agad ang plano. Naging maayos ang pag-uusap ng dalawang kampo at nagkasundo. Nakapirma na sila at handa ng isagawa ang lahat. Walang naging aberyang naganap sa nakalipas na mga araw. Maayos ang lumabas na resulta sa medical ni Aubrey; wala itong kahit na anong sakit at malusog, sadyang payat lang ito dahil sa puyat at pagod na dinanas sa buhay.
Lumipas ang ilang araw na hindi rin umuwi si Gab kaya naging madali para kay Rica na isagawa ang plano. Nakakilos siya ng matiwasay at kaniyang nais na walang ibang bagay na iisipin.
Araw ng kanilang pag-alis, nasa ayos na ang lahat at handa ng umalis sila Rica at Nita. Ang kanilang hinihintay na lang ay si Aubrey na nag-text nang papunta na siya.
Si Nita ay sinama ni Rica dahil ayaw niyang mai
