Makapananghali kinabukasan nang umalis kami ni Gelo sa resort. Medyo nauna na kaming umalis dahil panay ang tawag ni Ma’am Claudette sa kanya dahil may mga meetings na kailangan n’yang attendan dahil hindi maasikaso ni Chairman.
Simula sa susunod na linggo ay doon na s’ya sa LEF papasok at ako naman ay sasamahan si Kira sa foundation. Habang nasa byahe kami pabalik ay panay ang tanong n’ya sa akin kung sigurado daw ba ako na doon ko gusto sa foundation dahil gusto daw n’yang mag-transfer din ako sa LEF para maging apprentice pa rin n’ya. Hindi makapaniwalang tiningnan ko s’ya at kulang na lang ay taasan ng kilay.
“Ikaw na ngayon ang bagong CEO ng LEF. Hindi ka na lang basta Engineer ngayon, Gelo. Kaya hindi mo na kailangan ng apprentice!” sabi ko sa kanya at tumingin sa labas ng bintana
