Pagkatapos ng celebration ng first monthsary namin ni Gelo ay nagpa-check up agad ako sa doktor. Sa huling araw namin sa Thailand ay muntik na akong himatayin dahil sa sobrang pananakit ng puson noong magkaroon ako ng period. Wala namang sinabi ang doctor sa ospital na pinagdalhan n’ya sa akin at sinabihan pa ako na mag-undergo ng test para masiguro kung anong meron. Kaya doon pa lang ay sinabi ko na kay Gelo ang tungkol sa kalagayan ko at nagpumilit s’yang samahan ako sa pagbalik sa OB ko nang makabalik kami sa Pilipinas.
“You are still young, Hija,” sabi ng OB ko matapos akong resetahan ng fertility pills na katulad sa ininom ko noon. Humarap s’ya kay Gelo at ngumiti ng bahagya. “You can start conceiving anytime, Hijo. Kung nagmamadali kayo na magkaanak,” sabi n’ya kaya umawang ang bibi
