Bernadette's Pov:
The blue flame dragon roared. Mabilis na tinawid ng dragon ang distansya namin. Natulala lang ako kahit na nang maglabas ito ng asul na apoy.
Nabato ako sa kinatatayuan ko. Gusto kong umiwas pero hindi ko nagawang kumilos. Ngunit bago pa man ako lamunin ng apoy ni Zen ay may yumakap na sa akin at naramdaman ko na lang ang pagtama ng katawan ko sa hindi pantay na sahig. Hindi man ako tinamaan ay ramdam ko pa din ang init ng asul na apoy na dumaan sa gilid ko.
Bago pa ako makaupo ay nakarinig na ako ng mga sandatang tumatama sa isa't-isa. Hinanap ko iyon at nakitang naglalaban sina Queven at Zen. Pareho silang mahigpit na nakahawak sa espada nila at pilit na pinapatamaan ang isa't-isa.
"Ayos ka lang ba? Nasaktan ka ba?"
Parang nahimasmasan ako nang marinig ko ang boses
