"Totoo? Ginawa 'yon ng daddy, Dan, mo? That's so sweet," tuwang-tuwang pakikipag-usap ko kay Althea.
Nasulyapan ko si Dan na nakangiti ngayon sa aming dalawa ni Althea kaya nailang ako at mabilis na napaiwas ng tingin.
"Ahm, magdidilim na. Mauuna na kong umuwi sa inyong dalawa," paalam ko, hindi makatingin kay Dan.
"Uuwi ka na po agad?"
"Agad? Magkasama tayo buong araw at nag-enjoy akong kasama ka," masaya kong sagot sabay gulo ng buhok niya. Humagikgik siya at sobrang cute no'n kaya napatingin ulit ako kay Dan. Ituturo ko sanang tingnan niya si Althea kaso nailang lang ulit ako. Dahil nahuli ko ulit siyang nakatingin sa akin habang nakangiti.
"'Wag ka pa pong umuwi."
"Gabi na, eh. Saka sure akong uuwi na rin kayo ng Daddy Dan mo."
Ngumuso siya at cute na tinignan si Dan. "Uuwi na
