*****
Naiwan akong tulala sa lahat ng mga sinabi niya.
"Wala lang akong choice noon April, ayaw sa akin ni Ate Alyna. Oo, nagkamali ako noong una pero hindi ko naman sinadyang mahulog kay Adam. Kalabang firm ang pinagtratrabahuhan ko, nalaman iyon ni Ate Kaye. Pero maniwala ka, naging tapat ako kay Adam. Totoong minahal ko siya." aniyang humikbi sa harapan ko.
"Kumalas ako sa kabilang kompanya, kasabay ng pag resign ko rin sa office ni Adam. Mahal ko si Adam, hindi ko siya magawang lokohin" dagdag niya.
"Bakit iniwan mo siya?" nanghihinang tanong ko.
"Kailangan kong magsimula uli, yung walang koneksyon na makakapagsabing hindi ako umaasa sa kanya. Kailangan kong magsimula na ako lang. Kailangan kong bumalik sa kanya na may ipagmamalaki na ako para hindi ako maliitin ng pamilya niya"
