Chapter 69: Rock bottom
Hapon na nang magising si Stefan. Pasado alas kwatro na iyon ng hapon. Pagmulat niya ng mga mata ay gising na si Andrei at nakaupo ito sa headboard ng kama.
Umupo rin siya sa headboad saka hinalikan ang nobyo sa pisngi. "Nakatulog ka ba?"
"Hindi malalim. Andami ko na namang iniisip Stefan. Baka mabaliw na naman ako." Saka ito humarap sa kanya. "Ngayon palang humingi na ako ng sorry Stefan. Baka makagawa na naman ako ng mga bagay at desisyon na pagsisisihan ko sa huli. Desisyon na makakasakit sayo at desisyon upang hindi ko na makita kahit kailan ang anak ko. Sorry. Sorry."
"Ngayon palang pinapatawad na kita Andrei. Kahit ano pa yung mga bagay na gagawin mo at mga magiging desisyon mo. Nandito lang ako. Hindi kita iiwan. Maghihintay lang ulit ako na maging okay
