"Ano na naman ang problema at lahat ng empleyado sa labas gusto nang umuwi sa nerbiyos?" tanong ni Ethan nang pumasok sa opisina niya. Pinulot pa nito sa carpeted floor ang diyaryong lumipad kanina sa ere paghagis niya.
"Let them go home if they want to. Kaninang tanghali ko pa hinihingi ang sales report kahapon, hanggang ngayon wala pa? Bakit ba ang hirap maghanap ng epektibong empleyado ngayon?!"
"Okay naman si Gillian ayon kay Marga. Baka naman nasa 'yo na ang problema? Pangatlong sekretarya na si Gillian, Renzo. Hindi puwedeng palaging mainit ang ulo mo dahil wala talagang magtatagal kahit pa pinakamagaling na empleyado."
"Yeah, I am the problem. I want to take a leave from work. Puwede bang si Marcus muna ang mamahala sa opisina ko?"
Hindi sumagot si Ethan, bagkus ay hinanap nito
